Rematamos Vento do norte

Ola, son Manuel, un dos cordinadores do club de lectura de cómic. Onte rematamos Vento do Norte. As primeiras sesións foron moi desordenadas, xa que somos moitos neste club e foi case imposible conseguir que todos os membros viñeran ás reunións "cos deberes feitos" debido á escaseza de exemplares.

Vento do norte.

Vento do norte foi o cómic elixido polos argalleiros e argalleiras II para comezar a nosa andaina.

Edición en álbum da historia abeirada á ciencia ficción de pinceladas épicas dada a coñecer por entregas na revista xuvenil Galimatías, creada polo escritor e produtor americano David DiGilio e acompañada do forte estilo do novo debuxante galego Álex Cal (Vigo, 1985). O escenario escollido é un planeta Terra destruído e desolado, a onde o vento do norte trouxo un inverno sen fin. Os poucos sobreviventes resisten refuxiados nas grandes cidades conxeladas, nas que a vida é unha loita continua na procura da calor. Os habitantes de Lost Angeles deben aturar a tiranía implacable de Matachín Joe e mais da súa banda de necrófagos. Mais entre os proscritos hai un rapaz afouto, Pak, a quen as circunstancias lle aprenden cedo o significado do sufrimento e que co tempo será o encargado de levar a cabo a súa vinganza. Será daquela cando xurda a posibilidade dunha nova vida.

Quentando motores.

Na última reunión do club de lectura "sorprendemos"- grazas á "sorpresa" coa que fomos "sorprendidos" os asistentes aos III Encontros de Bibliotecas Escolares de Galicia- os argalleiros e argalleiras das letras coa proxección do vídeo no que Carlos Negro recitaba un poema da obra que estamos lendo e gozando.

Exposición no Mercado Vello

En outubro visitamos á exposición que se realizou no Mercado Vello da nosa vila sobre banda deseñada.

Makinaria

Os Argalleiros das letras I comezamos este ano con forza. Os "coordinadores" decidimos que o primeiro libro compartido fose de poesía (omitimos os comentarios que saíron da boca doutros argalleiros e argalleiras cando o tiveron nas súas mans, abrírono e viron: ¡VERSOS!).
É tempo de presentar o autor e, quen mellor ca el para facelo?Deixámosvos con Carlos Negro

LOGO

Aproveitando que este ano somos tantos argalleiros e argalleiras decidimos retomar a idea de buscar un logo que identificase os nosos clubs de lectura. Mans á obra. Os argalleiros de 4ºESO encargáronse desta tarefa.

Non hai día que non aprendamos algo novo.

Por ter a sorte de ser unha areíña máis nese grande areal formado polas bibliotecas escolares galegas, alá polo mes de xuño -cremos recordar- tivemos que cubrir unha enquisa, e mira ti por onde, o que comezou sendo algo burocrático... rematou nunha "complicidade".

DESATRACAMOS

Un novo curso, a biblioteca do IES Castro da Uz comeza a súa andaina contra vento e marea.