Este curso incorporamos unha táboa de clasificación temática, que permitirá reflectir como está organizada a nosa Biblioteca facendo uso de códigos e cores que o fan moi sinxelo.
Tamén engadimos dous estantes nos que ir consultando novidades.
Este curso incorporamos unha táboa de clasificación temática, que permitirá reflectir como está organizada a nosa Biblioteca facendo uso de códigos e cores que o fan moi sinxelo.
Tamén engadimos dous estantes nos que ir consultando novidades.
Con motivo das Letras Galegas, os Argallantes das Letras decidiron compartir contos e bailes cos maiores da Residencia A Magdalena das Pontes. Non sabemos quen gozou máis, pero o que si sabemos é que uns e outros queren repetir a experiencia!!!
O pasado xoves 11 de maio, tivemos o pracer de contar no noso centro coa escritora Antía Yañez, que nos explicou como e por que escolleu situar as súas historias de misterio en Portomarín e Burela, libros escollidos pola profesora de Lingua Galega María Alvariño para 1º de ESO.
Ademais tiveron a oportunidade de
entrevistala plantexando preguntas e dúbidas en relación coa súa obra e a súa
carreira como escritora.
O día 23 de Abril, o noso alumnado do club de lectura argallantes das letras comezou a tradicional viaxe do Día do Libro. Planificamos unha bonita ruta polas cidades de Vigo, Porto e Coimbra.
Día 1
Pola mañá visitaron o Museo Municipal de Vigo “Palacio de Quiñones de León” onde gozaron da Pinacoteca Francisco Fernández del Riego e puideron ver a exposición "Nos vieiros da arte". Tamén percorreron a Casa da Cultura Galega, na que contemplaron a exposición "60 pezas para 60 anos", colección da Fundación Penzol .
Moita ilusión entre a rapazada, que levaba meses esperando por esta viaxe !!!
Día 2
Pola mañá, nada máis almorzar, encontráronse co guía para realizar unha
visita panorámica camiñando polo centro de Porto. Gustolles moito o percorrido
pola Ribeira, chegando ata a Catedral,
e logo ata a estación de Sao Bento onde puideron contemplar o fermoso vestíbulo
dos azulexos.
Continuaron cun percorrido pola estrada e a beira do río Douro ata chegar ao Castelo de Queijo en Matosinhos.
Tralo xantar, tiveron o privilexio de gozar do Cruceiro das Sete Pontes polo río Douro, rematando a xornada lendo no Jardim do Morro, en Vila Nova de Gaia, as Fábulas Imorais de José Alberto Braga.
Día 3
Dedicaron o día a percorrer a bonita cidade de Coimbra, visitando a
súa Catedral e a emblemática Universidade. Nesta última, impresionaban as
salas de Armas, a dos Capelos e a do Examen Privado, e por suposto a
maxestosa Biblioteca Joaninha.
Pola tarde, continuaron en Coimbra, e visitaron o parque temático de Portugal dos Pequeninos, que conta con reproducións a escala infantil dos monumentos máis representativos da historia e arquitectura portuguesa.
Entre os recunchos destes edificios realizaron a lectura continuada do
libro Fábulas Imorais que comezaron o día anterior en Porto.
Día 4
Chegou o remate desta fermosa viaxe ao veciño Portugal!!
Despois de ter lido nos xardíns da cidade os libros escollidos para este
ano, non podían marchar sen visitar a fermosa Livraria Lello, e mercar algúns
exemplares en portugués.
Finalmente, para a súa sorpresa, o profesorado tiña feita unha reserva no
famoso restaurante Hard Rock Café.
Temos que agradecer ao profesorado, María Alvariño, Diego Cebreiro, María Galdo, Elena García e Rebeca Gómez que fixeron posible un ano máis, que a cultura, a convivencia e a lectura nos acompañen na tradicional viaxe dos nosos Argallantes das Letras.
Noite de Cine 2023
O pasado 30 de Marzo o alumnado do club de lectura “Argallantes das letras do IES Plurilingüe Castro da Uz, gozou por fin da esperada actividade da noite de cine da que a pandemia nos privou estes anos. Distribuíronse entre a biblioteca e o salón de actos para compartir a exposición de diversas películas.
A idea era estar alí ás 18:30h
pero algúns dos rapaces e rapazas do noso club, como mostra da súa
solidariedade, axudaron a colocar as colchonetas e prepararon os espazos para
poder comezar canto antes esa marabillosa noite.
A primeira película que vimos foi “Las Nadadoras”, ambientada na guerra de Siria e cunha heroica viaxe de dúas irmás. Con esta película aprendemos moito sobre os diversos impactos que poden causar as guerras.
Ao rematar a primeira proxección,
e famentos como estabamos, botámoslle o dente ás deliciosas e quentiñas pizzas.
Xa con enerxía, os alumnado decidiu crear unha pista de baile na entrada do instituto. Bailamos todo tipo de cancións e de música grazas ao xogo do Just Dance.
Cando cansaron de bailar, retomamos as películas. Comezamos ver “Perfectos Desconocidos”, onde un comprobamos os perigos que esconde unha cea dun grupo de amigos e amigas, casados e solteiros, que esconden secretos inconfesables. Desta película aprendimos que todos temos segredos, algúns inconfesables e outros que fan moito dano a quen queremos. Consecuencias das mentiras e segredos...
Rematada esta proxección, a alumnado aínda desperto comezou a espertar aos compis que quedaran durmidos. A seguinte foi “Billy Eliot” que conta a enternecedora historia dun neno que tivo que loitar contra os esteriotipos e os prexuizos do seu pobo, para poder facer o que a él máis lle gustaba, bailar ballet.
O último que vimos foi o capítulo
1 da terceira tempada da serie “Black Mirror”, que nos recordou enormemente a invasión das redes
sociais que vivimos na actualidade invitándonos a que tomemos consciencia do
perigosas e irreais que poden chegar a ser.
Despois de toda a noite, chegou a
hora de recoller ambos espazos e deixalo todo impoluto como antes
de comezar. Isto é: as colchonetas ao pavillón, as basoiras para recoller toda
a comida que quedou polo chan, as cadeiras de novo a súa posición inicial,…
Xa con todo recollido tivemos a
sorte de poder gozar dun delicioso almorzo realizado polas nosas profes, e que
nos administrou un chisco de enerxía para afrontar todo o que nos quedaba de
día.
Uxía e Rita. 3º de ESO
Un dos grupos máis animados dentro do Club de Lectura é o de adultos, aos que lles encanta buscar o recuncho da Biblioteca para compartir momentos de lectura e intercambiar opinións e vivencias.