Entrevistas en RADIO RAS

@s argalleir@s das letras comezamos coa nosa radio escolar hai moitos anos e queremos compartir con todos e todas vós algunhas das entrevistas que fomos realizando.


Entrevista a Ana, profesora de inglés da escola de idiomas.

Entrevista a Sandra Blanco, periodista e antiga alumna do IES Castro da Uz.



Entrevista a Luís García, membro da ONG para o desenvolvemento, que compartiu un tempo con nós.


Entrevista a Santiago, o noso profe de bioloxía.
 
Entrevista a Soto, o noso profe de relixión e outras moitas máis materias.

Entrevista a Pura Galán, coordinadora dos EDLG da provincia da Coruña, que visitou a nosa radio escolar e nos contou moitas, moitas cousas.
 
Entrevista a Miguel Alvariño, o mellor tirador con arco e o noso compañeiro.
  Entrevista a Óscar, secretario do centro. Entrevista a Vigo, artesán da madeira. Entrevista a Icía, profe de matemáticas do centro. Entrevista a María Lado e Lucía Aldao. DÚAS POETISAS que nos achegaron a poesía dun xeito que nos encantou. Pedimos desculpas polas interferencias que escoitaredes na gravación, pero paga a pena que escoitedes a entrevista e gocedes dos últimos minutos. Entrevista a Valentín, alcalde das Pontes. Nesta primeira ocasión, Valentín achegouse ata a radio escolar para "someterse" a un programa semellante a "Teño unha pregunta para vostede". Na segunda ocasión que se achegou ata Radio Ras non podemos compartir a entrevista, xa que a gravadora non cumpriu coa súa función. As argalleiras das letras, Alba Requeijo e Andrea Montero, entrevistaron a Helena Villar Janeiro e Xesús Rábade para Radio Ras na biblioteca do centro. Pedimos que escoitedes a entrevista porque coñeceredes a unha escritora e un escritor que vos achegarán a moitos temas de interese. Grazas "abraira" e "olmo" por vir visitarnos. O alumnado de 1ºESO entrevistou a Mª José, profe de francés do centro.

O día 7 de marzo, @s argalleir@s das letras tivemos a sorte de coñecer a Carlos Negro, un dos escritores que nos veu acompañando nestes últimos anos a través das súas lecturas. Se queredes escoitar a entrevista que lle realizamos, Sheila, Carmen, Xan, Leticia, Cristina e Borja, agora é momento.
Non vos perdades nin un momento.

O venres 12 de maio na radio escolar estivemos moi atarefad@s. Nada máis e nada menos tivemos que facer fronte a dúas entrevistas, que agora compartimos con vós. 

As argalleiras de 2ºESO ( Sara Basoa, Jessica Leira e Sabela Rodríguez) entrevistamos a ARANTXA, unha ex alumna do centro que cumpriu o seu soño de ser avogada.  Antes de deixarvos coa entrevista queremos dicirvos que Arantxa ten como árbore celta que a protexe o CARBALLO, a mesma que ela elixiu. 

A continuación, as argalleiras de 3ºESO ( Laura Bellas e Alicia Cao) entrevistaron a LUCÍA CALVO, outra ex alumna e argalleira das letras. Escoitade o que nos contou.

TALLER DE GRAFFITI, ( PRIMEIRA PARTE)

Grazas ao Grupo de Biblioteca do centro (capitaneado por Elena) e ao EDLG ( coordinado por Montse) puidemos achegarnos e sentirnos auténticos artistas do graffiti.

Hoxe foi a primeira sesión do taller que nos dá o antigo alumno do centro, e un dos mellores graffiteiros actuais:  RUBÉN MOLEDO. Recomendámosvos ler a entrevista que saíu no xornal El Progreso hai uns días para coñecer un pouco máis a este artista pontés. 

Ás 12,10 diríximonos ao corredor exterior que dá acceso ao ximnasio e ás aulas de ciclos para comezar o taller. Que sorte que Rubén xa tivese todo preparado!!!

Sen perder tempo, Rubén empezou explicándonos un pouco da historia do graffiti e remontouse ata a prehistoria, para logo pasar a falarnos das técnicas e termos que se empregan nesta arte. Aclarounos moi ben o que era un Tag e como se facían. (Nós tamén deixaremos a nosa sinatura nun dos paneis que trouxo.)

Logo ensinounos a usar os sprays e os diferentes tipos de boquillas e explicounos para que se utilizaba cada unha. (Tiñamos que practicar moito porque nos agarda un traballo algo difícil.)

Como vedes practicamos moito e o noso profe sempre atento a todas as preguntas que lle iamos facendo. 

Mirade como quedou o panel coas nosas prácticas: 

Máis tarde comezou a realizar un graffiti coa súa sinatura para que practicásemos na arte de pintar o corpo do debuxo. Si, no taller do martes próximo teremos que enfrontarnos a axudarlle a realizar o graffiti que colocaremos na parte exterior do instituto e encerra o significado que para nós ten o centro no que estudamos. Xa veredes, xa!

Moitas grazas pola túa paciencia, Rubén. Estamos desexando que chegue o próximo martes para poder pintar contigo o graffiti e facer os nosos tag noutro panel. 

Ata pronto.

DÍA DO LIBRO, 2017

DÍA DO LIBRO, 23 DE ABRIL 2017.

 Este ano “@s argalleir@s das letras” decidimos celebrar este día en Cáceres, aínda que non só visitamos esta provincia, xa que tamén nos achegamos ata Mérida. 

(Como pronto teredes unhas presentacións de todos os lugares que visitamos, agora só vos deixamos un pequeno anticipo.) 

O día 20 chegamos tarde ao hotel de Cáceres e había que deitarse pronto para retomar forzas, xa que o día seguinte sería un día duro.

O día 21, pola mañá visitamos Mérida,  pola tarde Trujillo e, da man de Cristina, coñecemos a historia do teatro, anfiteatro e moitas máis cousas destas cidades.

Logo decidimos achegarnos ata a ponte que cruza o Guadiana ( xa coñeceredes as historias que vivimos @s argalleir@s das letras alí), pasando antes polo Templo de Diana. 

Subimos ao autobús e dirixímonos a Trujillo ( elección das profes, claro) e coñecemos unha vila chea de estatuas e casas dedicadas a conquistadores como Pizarro ou Magallanes. Que cans@s estabamos!

Ás 18.00h, xa preparad@s,  saïmos coñecer a cidade de Cáceres para elixir o lugar onde realizariamos a lectura continuada o día 23 de abril. Aquí está a praza que eliximos.

O día 22 almorzamos rápido porque nos agardaba o autobús para dirixirnos ao Parque de Monfragüe e realizar a ruta elixida. Subimos ata o castelo, divisamos o río Texo, vimos voar ás aves e chegamos ata o "Salto do Gitano". Unha ruta fácil para alg@ns e algo longa para outras que se perderon.... 

Cando chegamos a Cáceres tocaba recuperar forzas para coñecer a cidade, pero esa é outra historia que pronto teredes o pracer de gozar coas nosas presentacións. 

Agora imos co tema principal desta viaxe:  A CELEBRACIÓN DO DÍA DO LIBRO. Esta actividade é a que nos leva unindo a todos e todas "@S ARGALLEIR@S DAS LETRAS" dende hai moitos, moitos, moitos anos. 

Este ano decidimos que nos acompañase CARLOS CASARES, o noso piñeiro na alameda literaria das árbores celtas,  e a súa obra Xoguetes para un tempo prohibido. Esta elección foi fácil, porque el é o autor a quen se lle dedica o DÍA DAS LETRAS GALEGAS e está con nós dende comezos de curso 
( xa coñecedes os audiolibros que levamos realizando da súa obra, non si?). 

Pois só tocaba distribuír a lectura entre nós para logo gravala, elixir a palabra e compoñer o poema. Case nada!!! (Non podedes imaxinar a cara de Chelo cando abriu un dos libros que trouxemos da biblioteca e viu esta dedicatoria!!! Non podía crer que Carlos Casares estivese sempre tan preto de nós.)

Aquí vedes como "@s argalleir@s das letras" distribúen a lectura. Non é un traballo fácil...!

Logo de pasear e coñecer todo Cáceres, pensabamos que iamos gozar dunha noite marabillosa no hotel, pero o destino e a programación das profesoras ( Elena e Chelo) impedírono. Ocorréuselles a feliz idea de comezar a celebración do Día do Libro, xusto cando empezaba: ás 00, 00h. Nun principio non estabamos de acordo, pero logo agradecemos esa feliz idea, porque amosámoslles a tod@s @s cacereñ@s como se pode realizar unha "NOITE ALTERNATIVA!" no día da FESTA principal da cidade ( non imaxinades a cantidade de persoas que asistían á queima do dragón!!!!) e nós pasámolo de marabilla. 

Comezamos a lectura continuada de Xoguetes para un tempo prohibido  na " Plazuela del socorro", xa que a tiñamos elixido estaba ocupada por milleiros de persoas. UNHA EXPERIENCIA INESQUECIBLE! 

Aquí vos deixamos coa presentación que realizamos da nosa actividade, a única que nos une a todos e a todas os e as argalleiros e argalleiras das letras: GOZAR DA LECTURA E COMPARTILA CON TODOS E TODAS VÓS. 

 

De volta ao instituto tocaba continuar o traballo. Elixir título para o poema e pensar na ilustración. 
Niso estamos e pronto comprobaredes que esta actividade chega ao seu fin, un ano máis, satisfactoriamente.
Aquí estamos durante os recreos rematando o que nos une: A ACTIVIDADE DO DÍA DO LIBRO. 
Grazas a tod@s @s argalleir@s das letras por seguir facendo deste día, un DÍA INOLVIDABLE. Grazas a Elena por acompañarnos este ano ( terás gañas de volver?) a Chelo por seguir aí e a Cris e a Candela, que sempre serán: ARGALLEIRAS DAS LETRAS!
Mirade o traballo como vai: 

CONTINUARÁ... 

Audiolibros de Carlos Casares

 @s argalleir@s das letras lembramos a Carlos Casares poñéndolle voz á súa obra. 

Como xa sabedes no club de lectura comezamos lendo a peza teatral a Laranxa máis laranxa de todas as laranxas, que nos gustou moito e nos fixo pasar momentos moi divertidos. Logo pensamos que estaría ben poñerlles voz a algunhas das obras do autor. ( Se fose agora.... NUNCA PENSAMOS QUE FORA TAN DIFÍCIL LER PARA QUE OUTRAS PERSOAS POIDAN GOZAR DAS OBRAS!!!). Aquí estamos tod@s @s argalleir@s facendo o que podemos. 

Antes de deixarvos cos nosos audiolibros queremos agradecerlle á nosa compañeira, Cristina Souto, o debuxo tan bonito que fixo de Carlos Casares. Grazas, CRIS. 

Que gocedes da obra de Carlos Casares!

Xan Paz (3ºESO) le: Lolo anda en bicicleta

Alba Rivera (3ºESO) pon voz a: Un polbo xigante


Jessica Leira (2ºESO) pon voz a: A galiña azul

VENTO FERIDO (Recomendámosvos que  fagadas uso do enlace que aparece no título.)

Aquí vos deixamos as lecturas que realizamos dos relatos desta obra.  

Agardamos que vos gusten!!!

Antonio Silvén ( Nono) le: " O xogo da guerra"

Icía Basanta le: " Coma lobos"


Laura Otero le: "Cando cheguen as chuvias"


Elvira Candelas le: "Monólogo"

Carmela Domínguez le: "Agarda longa ao sol"

Uxía Bouza le: " A capoeira"


Aarón García le: " Vou quedar cego"



Juan Bellas le: " A tronada"



Xoel Pena le: O xudas"



Vicente Iglesias le: " A rapaza do circo"


Álvaro García le: " O outro verán"



Carmen López le: "Aparecerá pola esquina"



Agora deixámosvos con CAMBIO EN TRES. Agardamos que vos guste a lectura que fixemos desta obra de Carlos Casares.
Sheila Saavedra ( 3ºESO) púxenlle voz ao título e as dedicatorias.



Sofía Ramos ( 3º ESO) a: UN.


Borja Pita ( 3ºESO) a: DOUS


Laura Bellas ( 3ºESO) a : TRES



Sheila Saavedra volvín poñer voz a MENOS UN



Adela Rodríguez a: TRES ( 4)


Agora estamos argallando para poder enlazar todos os audios para que poidades gozar desta obra ao completo.
Pronto volveremos coas obras que estamos a ler.
BOA LECTURA!
Chega o momento de que escoitedes a novela que escribiu Carlos Casares, titulada ILUSTRÍSIMA.
O título, dedicatorias e o primeiro capítulo púxolle voz a nosa compañeira Sheila Saavedra ( 3ºESO)


Cristina Souto ( 3ºESO) leu o capítulo II.


Adela Rodríguez (3ºESO) púxolle voz ao capítulo III.

  Ao capítulo IV púxolle voz a nosa compañeira de 3ºESO, Carla Basoa.


Alicia Cao ( 3ºESO) leu o capítulo V.


Elvira Candelas (3ºESO) púxolle voz ao capítulo VI.


Santiago Morales (3º ESO)  leu o capítulo VII.

O capítulo VIII leuno Borja Pita ( 3ºESO)


Noa Jarel ( 3ºESO) púxolle voz ao texto do capítulo IX.

Xan Paz ( 3ºESO) leu o capítulo X.

Sofía Ramos ( 3ºESO) púxolle voz ao texto do capítulo XI.

Hernán Álvarez  ( 3ºESO) leu o capítulo XII.

Ao capítulo XIII púxolle voz Laura Bellas ( 3ºESO).

Xavier Gabeiras ( 3ºESO) leu o capítulo XIV.

Agardamos que pasedes uns ratos agradables coas nosas lecturas.

AQUÍ VOS DEIXAMOS COA LECTURA DE XOGUETES PARA UN TEMPO PROHIBIDO.  
Ante todo desculpas a quen se puidese ofender ao escoitar esta gravación, pero lemos a obra nun contexto un pouco "inapropiado". ERAN AS FESTAS DE CÁCERES.

Lectura realizada pol@s Argalleiros e argalleiras das letras o día 23 de abril de 2017 en Cáceres.

PEDIMOS DESCULPAS POLAS interferencias, tanto alleas como propias, que se escoitan ao longo da lectura continuada, pero estes son os problemas de realizar unha actividade que intenta achegar un novo xeito de gozar dunha noite alternativa de mans dunha boa lectura e en compañía dos nosos e nosas.

SABEMOS QUE CARLOS CASARES NOS ENTENDERÁ. 

ESTIVEMOS CON CARLOS NEGRO

O pasado martes, os argalleiros e argalleiras das letras tivemos o pracer de ter connosco a CARLOS NEGRO, un dos poetas galegos actuais, ao cal sorprendemos cunha entrevista para radio RAS. 

Despois  de responder a todas as nosas preguntas, saber que a SORBEIRA era a súa árbore celta e lerlle como definían os celtas ás persoas que nacían baixo a protección desta árbore: 

"A  SENSIBILIDADE. Son persoas encantadoras, alegres, desinteresadas, incansables,  amantes da vida, das emocións, do bo gusto, e mesmo dos problemas. Son apaixonadas, emocionais (dóciles ou independentes), boas compañeiras e non esquecen. A SÚA COR: GRIS CLARA". 

Comezou a explicar poemas das suas obras. Para facilitarnos a comprensión e facelo  máis divertido botou man a  recursos como bonecas para escenificar poemas de Penúltimas Tendencias ou facer un rap cun poema de Makinaria.

Tivemos un final moi doce, xa que nos definiu a poesía cun poema  do poeta vasco Kirmen Uribe, mentres nos deu a saborear unha onza de chocolate negro: “Un poema é unha onza de chocolate : pequeno, escuro e o máis bo do mundo”. 

 Gustounos moito porque nos explicou a poesía dunha maneira orixinal e divertida que fixo que estiveramos atentos todo o tempo.

Leticia Carballeira, Argalleira das letras. 

QUERO COMPARTIR...

Se vos preguntamos por un día que lembredes do mes de febreiro, seguro que a maioría pensaría no día 14 ( día de San Valentín) , aínda que outros e outras  responderían o día 24 ou calquera outro día. Pero o que moitos e moitas de nós non sabiamos era que o día 2 de febreiro se celebra a festa da Candeloria. Comezamos a investigar e coñecemos que esta celebración está relacionada cos celtas. Esta cultura celebraba nesta data a chegada da luz, porque o día ía gañando á noite, significaba o espertar, o renacer dos campos que podían ir preparándose xa para sementar, os mariñeiros dispoñíanse para volver saír ao mar, os paxariños xuntábanse... En fin, que volvía a vida. Seica tiñan o costume de acender unhas candeas en cada casa para celebrar a chegada da LUZ, de aí o nome de Candeloria. Se queredes saber máis sobre esta celebración podedes seguir lendo aquí.    

Son moitos  os refráns que temos desta festa, aquí van dous:

"A partir da Candeloria, ningunha ave voa soa"

" Cando a Candeloria chora,

medio inverno vai fóra;

que chore, que deixe de chorar,

a metade do inverno está por pasar".

Como queremos continuar transmitindo a maxia que encerra este mes quedamos coa mensaxe do primeiro refrán: Nunca te sentirás só ou soa se sabes COMPARTIR a túa vida cos mais.  

Comezamos a pensar no xeito de como agasallar a tod@s @s compañeir@s do centro e as persoas importantes na nosa vida. Chegou Montse e falounos dunha experiencia vivida por ela e lembrada con agarimo. A nós gustounos a idea.  Ela estaba disposta e nós desexosos e desexosas de comezar.
Montse empezou por ensinarnos como facer unha rosa con lambetadas ( Que ricas!). Foi explicándonos como había que ir leando as "lenguas" para conseguir a forma da rosa, como colocar as follas verdes e rematala. ( Grazas, Montse pola túa paciencia)

Foi guiándonos amodiño en todo o proceso e nós prestabamos toda a atención posible, porque logo seriamos nós os que as teriamos que facer.  

                                    As primeiras non saíron moi ben, pero agardade un pouquiño!

                                                          Que vos parece a nosa primeira rosa?

Era moito o traballo, pero compartir sempre trae beneficios. @s compañeir@s de 1º, 2º, 3º e algunhas compañeiras de 4ºESO estivemos na biblioteca durante os recreos facendo rosas, envolvéndoas para poder ter  este resultado.

Mentres traballabamos manualmente, Montse lembrábanos que estaría ben escribir unha tarxeta que acompañara á rosa que regalariamos. Borja e Uxía ( 3ºESO) comezaron a escribir todas as tarxetas con esta mensaxe:  PARA  (  persoa a quen ía dirixida) e QUERO COMPARTIR.... (texto que queriamos achegar)

Todo ía segundo o previsto, ou ao mellor non. Montse era a encargada das compras do material e fíxoo con total precisión e exactitude. O que pasa é que sempre faltaban lambetadas para facer máis rosas e tiña que volver de compras. Logo dalgunha conversa admitimos que entre rosa e rosa, algunha lambetada foi para a barriga.
Rematamos a primeira parte da actividade, pero seguiamos argallando e pensando. Logo destes momentos de reflexión decidimos debuxar corazóns para escribir neles unha palabra, un sentimento, un desexo, algo que lles lembrase aos nos@s amig@s  o importante que é sentirse acompañado e que non esquezan que sempre estaremos ao seu lado. Comezamos a debuxar, recortar, pensar palabras, escribilas e decidimos engadir a todo iso os nomes de tod@ @s  nos@s compañeir@s do centro.
Así quedou a entrada do centro:

Mañá agardamos entregar as rosas e as tarxetas coas mensaxes de amizade, solidariedade e cariño que deben movernos a todos e a todas.
Grazas Borja ( 3ºESO) polo teu traballo e "polo xenio". Grazas a to@s @s compañeir@s de IES Castro da Uz por compartir esta actividade e por pasalo tan ben. E grazas a  Montse, Mª José, Chelo, Elena e a tod@s os que nos axudastes a gozar deste mes.

Mañá toca entregar as rosas da AMIZADE despois duns días compartindo... 

DÍA DA PAZ 2017

DÍA DA PAZ
O 30 de xaneiro todo o centro lembrou a necesidade de pedir que no mundo reine a PAZ.
Aquí tedes o debuxo que fixo Paula (1ºESO)

O grupo de contacontos dos “Argalleir@s das letras” compartimos as nosas historias cos nenos e nenas do CEIP de Xermade. Nós intentamos transmitirlles a necesidade de vivir nun mundo no que reine a PAZ dun xeito divertido e facendo que eles e elas fosen os protagonistas das nosas historias.  Creo que o conseguimos porque Sheila, Cristina, Carla, Icía,  Borja, Aarón, Andrea M., Sara C. Álvaro, Sabela, Elvira e Sofía puxemos o mellor de nós, arrincámoslles sorrisos e viaxamos con eles e elas da man da fantasía. Fixádevos.

Ante un numeroso público comezamos

Álvaro arrincoulles sorrisos a tod@s @s nen@s e a nós.

Sheila ensinoulles a plantar a árbore da PAZ.

Borja e Andrea co seu conto.

Aarón argallando a súa historia.

Debuxando ilusións.

Non sei se o conseguimos pero podedes facervos unha idea: 

Conseguiriamos ilusionalo?

Cando rematamos a función, os nenos e nenas agasalláronnos cunha canción e nós fixemos de espectadores. Logo despedímonos e agradecémoslles que nos fixesen pasar uns momentos tan agradables. 

Mentres nós estabamos en Xermade, no centro seguían os nosos compañeiros e compañeiras lembrando este día. Cando chegamos vimos todo o instituto cheo de LUZ. Había post- it por todas as partes e carteis pegados nas paredes, portas.... 

Todo o centro cheo de post- it e todos e todas buscando por se había pistas para atopar a resposta. Así estivemos dous días ata que chegou a resposta con outros carteis. 

Grazas Soto por compartir con nós as túas ensinanzas. 

Pero non quedou aí todo o que fixemos este día. Radio Ras estaba emitindo nos recreos e os nosos compañeiros e compañeiras de 1ºESO leron os textos que realizaron para recordar este día e cantaron unha canción. 

Aquí tedes o texto de Carmela (1ESO) e logo deixámosvos coas súas voces. 

A PAZ

Por que estragala? Sendo o mundo e a vida tan bonitos, por que botalo a perder todo? E que acaso non sabemos falar?

Todo estaba tranquilo ata que a ambición acabou coa nosa paz.

Por iso eu quero un SI!

Un si á educación.

Un si á infancia feliz.

Un si a un bo futuro.

E tamén un NON!

Un non á guerra.

Un non ás bombas.

Un non aos desafiuzamentos.

Só así conseguiremos o mundo que quero: Un mundo sen guerra, nin bombas nin desafiuzamentos.

E agora podedes escoitar nas súas voces a canción " Canto por Siria".


Agora para pechar esta entrada deixámosvos con outro texto, desta vez a autora é unha compañeira de 4ºESO.

A PAZ é un estado de ben estar onde non hai enfrontamentos nin loitas.  Para conseguilo debemos comezar pola nosa PAZ interior, é dicir, sentirnos cómodos e satisfeitos cos nosos esforzos e logros diarios. As nosas satisfaccións fannos máis tolerantes á hora de relacionarnos cos demais. Se usamos o respecto e a tolerancia poderiamos  chegar a falar da PAZ mundial e evitariamos todas as loitas de poder que conducen a guerras, discriminacións por raza, condición social...

Debemos potenciar dende a infancia, pasando por todas as etapas da vida, a comprensión e o diálogo para saber afrontar calquera situación que leve a discusións.

En definitiva, a nosa propia felicidade teriamos que transmitírllela aos demais e crear xuntos un mundo de comprensión e ben estar social.

Silvia Balseiro, 4ºESO

QUE A PAZ MOVA OS VOSOS CORAZÓNS.