Coñecemos a nosa biblioteca xogando

Día das Bibliotecas: 20 de outubro

Na semana do 19 ao 23 de outubro achegamos este espazo aos rapaces e adultos (Módulo 1 e 3 da ESPA) do noso centro. A través dun xogo cooperativo, foron desenvolvendo, en grupo, as súas destrezas como detectives. Investigaron onde se atopaban determinados libros ou información sobre algún contido croncreto (arte, xeografía...)

Resultou unha actividade entretida, divertida e moi educativa. O noso alumnado aprendeu moito. Destacaría o entusiasmo e a tensión coa que participaron no xogo os alumnos da ESPA.

Aquí vos achegamos algunhas mostras:

- Cal é a medida do cadro El grito de Munch?

- E serán 3x3?

- 9 cm ou m?

- Quen come cus cus?
- Eu non.

- Onde andará o río Arnoia?

- Francia, Lugo...

- Xa o pillei, Allariz.

- Xa o dicía eu Ourense.

Benvida ao curso 2009-2010

Despois de todo este tempo de esquecemento, este blog bota a andar de novo. Tentaremos que sexa do interese de todos e todas. Vai ser o medio de expresión do noso centro educativo. Como xa sabedes detrás de todo isto está o Departamento de Lingua e Literatura Galega, o Equipo de Normalización e Dinamización Lingüística e o Club Lector. Pero como xa sabedes vós sodes os principais "argalleiros".

xa nos tarda!!!

Ola coleguillas do blog!!!

Temos preparado un gran proxecto!! á volta do nadal imos asistir e facer uns talleres de banda deseñada, para realizar, máis tarde, un cómic contando a historia da nosa biblioteca!!

Xa estamos debatindo os que serán algúns/as dos protagonistas. O que xa temos claro, é quen será o personaxe principal. O seu carácter forte dende que aparece por primeira vez na obra, a caracterizará para toda a historia.

Este cómic terá unha trama argumental de misterio, que enganchará ao lector dende a primeira folla. Misterios, conflitos, roubos, dificultades, lágrimas, risas.... unha mestura de sensacións que farán desta obra un gran éxito!!!!!!!!!!

O noso profesor de taller, será Xosé Tomás. O seu blog é: http://xosetomas.blogspot.com/

VISITÁDEO!!! NON DEFRAUDA!! E agora vai unha páxina do seu cómic Tolos

Agora van unhas mostras de novas adquisicións que fixemos para seguir póndonos ao día...

Aquí vai unha mostra do seu libro Tolos:

Agora só vos pedimos unha cousa. Buscade información destes cómics, autor do texto, das ilustracións... e, se queredes, lédeos e logo compartides as vosas opinións con nós.

Ata pronto.

Estamos aqui de novo!!

Ola argalleiros!!Uns meses despois volvemos subir neste blog as argalladas dun novo curso. Este ano para escoller os libros que iamos ler, consultamos a listaxe de libros da nosa biblioteca; fomos á biblioteca da nosa vila e percorremos as librerías de As Pontes para ver as novidades...estes son os que nos causaron máis intereses, e os que eleximos: Estás na lúa, A conta atrás, Maus, O único que queda é o amor, Salitre, O cazador de papaventos, La ladrona de libros, Amanecer...
Nas nosas reunións empezamos a comentar algúns dos títulos das obras que escollemos das cales teredes novas pronto ;). Mañá comenzaremos cunha actividade novidosa do noso club de lectura, un cineforum.Veremos a peli La Ola e despois falaremos.

Terémosvos informados.

Xa sabedes: a opinar!

Lecturas para o verán.

Somos Yara, Iago e Mauro; alumnos de OCO. Este ano traballamos arreo pero échenos igual xa que nos gusta moito escribir e ler, por iso, ímosvos recomendar uns libros para ler no curto ( moi curto) pero desexado e esperado verán:

- Guardate de los Idus, Lola Gándara.
- Melocotón en almíbar, Miguel Mihura.
- Pequeños pasos, Louis Sachar.
- De vuelta a la Cueva, Nacho Docano.
- Cinco panes de cebada, Lucía Baquedano.
- Manolito on the road, Elvira Lindo
- El señor de los anillos, J.R. Tolkien.
- Maria de Amoreira, Luce Fillol.
- Amor dos quince anos, Marilyn ; Agustín Fernandez Paz.
- ¿Sobrevives?, Fina Casalderrey.
- Son un Cabalo, Gonzalo Moure.
- Memorias dunha vaca, Bernardo Artxaga
- O son das buguinas, Varios Autores.
- Marabíllate, Alumn@s IES Castro da Uz.
- O son dos relatos, Alumn@s IES Castro da Uz.
- As luces de Setembro, Carlos Ruíz Zafón.
- Seda, Alessandro Baricco.
-...

E... FELIZ VERÁN E FELICES LECTURAS.

As Nosas Lecturas

Decidimos que ao crear un club de lectura facianos falta un espazo na web onde publicar as nosas lecturas e dar a nosa opinión sobre elas. Para iso creamos este foro por onde vos podedes pasar e formar parte do noso gran grupo de lectores aportando as vosas opinións sobre os libros que lestes. Aquí vos deixamos o enderezo do noso foro:

http://argalladas.mundoforo.com/index.php