Viaxe a Porto

Día do Libro

O Club de Lectura e algúns alumnos e alumnas máis marchamos a Porto, mañá xoves 22 de abril para celebrar o día do libro (23 abril) facendo unha lectura continuada na librería "Lello e irmao". Iremos cos nosos compañeiros do CPI Castro Baxoi de Miño.

O libro que imos ler é Seda de Alessandro Baricco

Deixamos mostra da nosa estadía en Porto:

(...)

O incansable traballo, realizado polos alumnos no camiño de volta, deu o seu froito cun fermoso poema, coas palabras que cada quen escolleu na lectura do seu fragmento.

O vento mece os teus cabelos de seda

que forman a encrucillada dos fíos da vida
e son ardentes caricias dos teus exóticos beizos.

Lendas do pasado

percorren illas

nas que os cabalos galopan

ao solpor do atardecer

e os ollos alumean na escura noite

facendo sorrir a lúa

cando sente o "paso español".

Perdida na inmensidade do bosque,

baixo un ceo laranxa,

pode sentirse a túa maxia

que destrúe as escuras sombras

de misas negras,

de negocios turbios...

O teu colar de flores,

unido polos elos do noso amor,

fixarase con tinta

nun derradeiro soñar.

E volvín sentir aquela man

da rapaza dos cabelos de seda

na fermosa cidade de Porto

e volvín recordar aquel balbordo de ás

dos revoltosos paxaros

que me facían pensar en milleiros de cores,

como o brillo das onzas

nas mans de absurdos contrabandistas

con guantes de seda.

O melódico son das campaíñas

rompía o frío xeo,

abrindo a porta a un labirinto de sentimentos

nunha inesperada viaxe ao teu lado,

chea de promesas devecidas.

Entregareiche o meu sexo

e será teu para sempre,

home dos meus soños!

O vento... susurra o teu nome.

Nas augas cristalinas

refíctese a trastenda dos sentimentos.

De forma inexplicable,

síntome soa

como as rosas murchas

nas rúas de París.

A túa última palabra, a túa decisión,

cinzas dunha carta...

Eu sigo tecendo os fíos da vida, mais agora os meus pasos camiñan sós.

Irremediable adeus!

Infelicidade eterna!

Pintura de Cris, Nuria e Estefanía (2º BAC)

Moitas grazas polo voso poema! Tamén pola vosa pintura!