O cómic conta a historia dunha
rapaza adolescente chamada Helen Potter que marcha da casa debido ao desprezo da
súa nai cara a ela, e para afastarse dos abusos por parte do seu pai, o que lle
causa repercusións negativas, xa que a partir dese momento para de confiar nos
demais. Helen Potter lánzase á rúa sen un destino fixo, só querendo afastarse
todo o que poida dos seus pais. A súa viaxe faina en compañía dunha rata á que
lle transmite o seu cariño e coa cal se identifica ao sentirse sucia, mala, soa,
desprezada. Durante o seu percorrido atopa todo tipo de persoas con diversos
problemas e que prefiren vivir na rúa, onde ninguén lles di o que teñen que
facer. Finalmente a rapaza acaba vivindo nunha pousada con outro matrimonio, intentando
recuperar a confianza nos demais.
A historia busca denunciar os
abusos de pais a fillas ou entre familiares así como outros problemas moi
habituais na sociedade actual.
(Sentimos non poñer ningunha imaxe, pero todas tiñan dereitos.)
Argalleira das letras, Leti
No hay comentarios:
Publicar un comentario