O día 13 de abril achegámonos ata a cidade de Ourense para aproveitala ao máximo.
Comezamos coa visita á casa de
Otero Pedrayo en Trasalba.
Aquí van as palabras que escribiu Alba Requeijo ( en representación de tod@s) para a fundación Otero Pedrayo:
Bos días!
Moitas grazas pola túa
axuda na nosa visita ao Pazo de Trasalba,
a cal nos resultou moi entretida,
xa que estudaramos a Otero Pedrayo recentemente e estabamos interesados por coñecer
un pouquiño máis deste escritor. Chamounos a atención a cantidade de libros que
había naqueles estantes, o ben conservado que estaba o interior da casa, e por
suposto, o seu tamaño. Tamén nos gustou moito a paisaxe que a arrodeaba, xa que
inspiraba unha sensación de tranquilidade incrible. Pareceunos un fogar moi
acolledor, o cal nos fixo recordar algunhas das pasadas clases de literatura
nas que liamos fragmentos dalgunha das obras de Otero Pedrayo. Imaxinamos que
manter un lugar tan grande en boas condicións non debe ser tarefa fácil, polo
que vos animamos a continuar con tal difícil traballo. Todos os alumnos do IES
Castro da Uz desexamos que este lugar tan marabilloso continúe admitindo
visitas de alumnos coma nós.
Aquí che adxuntamos as
fotos que sacamos e que nos pediches. Xa podes compartilas para que máis xente
coñeza o Pazo de Trasalba e decida achegarse a el.
|
Recibimento |
|
na sala da casa |
|
na galería deseñada por Castelao |
|
nunha das bibliotecas |
|
mirando o mapa de Fontán |
|
curioseando as habitacións |
|
observando a paisaxe |
E paseamos entre as plantas e árbores do xardín.
No hay comentarios:
Publicar un comentario