PARA TI

Neste curso @s argalleir@s das letras seguimos tan atarefad@s coma sempre. Imaxinades que foi para mergullarnos en novas aventuras e compartilas con todos e todas vós, non si?

Pois non se nos ocorreu mellor idea que recompilar todas as dedicatorias dos libros que temos na nosa biblioteca para amosar que @s b@s lector@s non deben saltar ningunha páxina, porque dende o momento que abrimos o libro comeza a viaxe.   

Como se nos veu esta idea á cabeza? Que día comezamos esta nova aventura? De que xeito distribuimos os grupos e os fondos da biblioteca? Como argallamos para traballar conxuntamente? Que iamos facer ao final? 

Preguntas ás que vós, lectores e lectoras, deberedes dar resposta ao ver o resultado final. 

Hai uns días rematamos o novo libro que titulamos, Para ti. 

E aí van as dedicatorias que o comezan:

A todos aqueles autores e autoras que dedican os seus libros.

A todos aqueles lectores e lectoras

 que non comezan o libro polo primeiro capítulo.

@S AUTOR@S

Agora deixámosvos coa recompilación realizada para que vos mergulledes nos tesouros que agochan as dedicatorias. 

 

Para ti de radiorasca

O seguinte paso foi elixir a dedicatoria que máis nos gustara a cada argalleir@ para poñernos en contacto co autor e autora e formularlle unha serie de preguntas.
Pronto volveremos.