NOVAS ADQUISICIÓNS

 Novidades da biblio para tódolos gustos:

                     

VIAXE DÍA DO LIBRO- MADRID

VIAXE  DÍA DO LIBRO- DÍA 1

Recén chegados a Madrid para desfrutar da nosa viaxe co club de lectura "Argallantes das Letras".

Fixemos unha primeira parada na casa-museo de Lope de Vega onde aprendimos moitas cousas sobre o recoñecido autor do Século de Ouro Español.

Percorrimos parte do centro pasando pola fonte de Neptuno e o Congreso dos Deputados.  

Seguimos por Gran Vía ata chegar ao teatro Lope de Vega onde nos agardaba o prato forte día: o musical de El Rey León. Saímos abraiados!! 

Por último, rematamos a xornada cunha deliciosa cea no Topolino Gardens.

     

VIAXE  DÍA DO LIBRO- DÍA 2

Deixámosvos un pequeno resumo do noso segundo día por Madrid.

Comezamos o día visitando a Biblioteca Nacional onde puidemos explorar a exhibición "El Infierno y las Maravillas". Foi moi interesante achegarnos á historia dos libros indagando na súa categorización de "perigosos" ou "prohibidos" ao longo da historia e dos tempos.

De camiño á nosa seguinte parada, fumos vendo diferentes monumentos emblemáticos da cidade como a famosa Puerta de Alcalá. Continuamos cunha pequena parada no Palacio Real para apreciar a súa maxestuosidade para logo dirixirnos ao Templo de Debod.

Non podemos esquercenos dos nosos ratiños de lectura que transcorreron nuns entornos privilexiados: no parque do Retiro e na zona do templo de Debod. Limos "Manolito Gafotas" que nos ten encandilados a maiores e pequenos ca súa tenrura de neno de Carabanchel Alto. Porque, no fondo, hai algo máis madrileño que Manolito? 

Rematamos o día cun escape room que xogamos en varios equipos. Esta parte encantounos e, aínda saíndo xa de noite, serviunos para recargar pilas.

VIAXE  DÍA DO LIBRO- DÍA 3

A nosa principal visita do martes foi Alcalá de Henares. Fixemos un tour guiado pola universidade histórica que tamén nos levou a lugares cruciais na vida de Cervantes (a súa casa natal e a súa pila bautismal) e de personaxes históricos como Isabel a Católica e a súa filla Catalina de Aragón. Descubrimos tamén como estaba dividido o centro histórico percorrendo os límites entre os barrios xudeu, morisco e cristián.

Rematamos o percorrido no Corral de Comedias de Alcalá, visitando un dos corrais de comedias máis antigos que se conservan no mundo. Serviunos moito para repasar todo o que sabemos sobre as orixes do teatro.

A nosa seguinte parada foi Torrejón de Ardoz para comer e visitar o Parque Europa. Lamentablemente o tempo non nos acompañou e tivemos que acurtar a nosa visita. Quédanos pendente para outra!

Xa case a piques de voltar, ímonos cunhas experiencias compartidas moi enriquecedoras.

       

VIAXE  DÍA DO LIBRO- DÍA 4

Xa de volta con resaca emocional e moito cansancio... Deixámosvos co noso último día xa de camiño de volta cara As Pontes.

Fixemos unha parada na vila do libro de Urueña. É unha pequena vila amurallada con moitísimo encanto. Alí visitamos a Fundación Joaquín Díaz onde se expón unha das coleccións máis amplas de instrumentos e que conta cunha biblioteca con miles de exemplares sobre o folklore e a cultura popular. Ao rematar, visitamos a fundación E-Lea onde puidemos visitar "El museo del cuento" con exposicións sobre "O Principiño" e outros contos populares como Cincenta, Pinocho ou O Gato con botas.

Comimos nunha marabillosa praza ao aire libre e retomamos o camiño de volta pensando xa na nosa próxima aventura.

   

DÍA DO LIBRO

O alumnado que conforma o noso club de lectura en 1° e 2° da ESO trouxo hoxe o seu libro favorito para presentalo e compartir con nós un anaco.

Con isto queremos concienciar da importancia dos libros, de como nos acompañan e nos axudan en moitos momentos. Ademais son un bucle infinito de historias nas que afondar e de vidas por vivir.

Agardamos que vos gusten as nosas recomendacións!!

Feliz Día do Libro para tod@s!

CONCURSO DE FOTOGRAFÍA

PARA TODA A COMUNIDADE EDUCATIVA

Poñemos en marcha desde os equipos de EDLG e Biblioteca un concurso de fotografía para celebrar a Luísa Villalta, autora homenaxeada nas Letras Galegas 2024.

Participar é tan sinxelo como escoller algún dos seus poemas, ou versos dos mesmos, e acompañar as súas verbas cunha fotografía orixinal que as represente. Con todas as achegas que teñamos, daremos uns premios ós gañadores/as e faremos unha exposición no centro.

Agardamos as vosas propostas!!

INTERCAMBIO CLUBS DE LECTURA- IES NOSA SRA.OLLOS GRANDES

O pasado venres foi un día xenial para o alumnado pertencente ó noso club de lectura "Argallantes das Letras" en 3° ESO, xa que puidemos gozar da presencia na nosa vila e no noso centro do alumnado do club de lectura do IES Nosa Sra. Dos Ollos Grandes.

Cando chegaron, fixeron un xogo de pistas na nosa biblio inspirado no libro de lectura que lemos en conxunto "Tres Catorce Dezaséis" de Rocío Leira. Logo, compartimos unha merenda para coller folgos e dirixirnos a un roteiro pola vila de As Pontes.

A parada principal fixémola no lago xa que tiñamos que aproveitar o sol e as boas temperaturas. Alí compartimos uns momentos moi agradables intercambiando tamén información sobre puntos de referencia da nosa vila como o propio lago, a central, o cine ALOVI, etc.

Que pracer foi compartir este día con vós!! Quédanos pendente a nosa visita 

      

                           

FALADOIRO- ÁNXELA GRACIÁN

O luns 8 de abril visitounos Ánxela Gracián para falar do seu libro Donas de Nós. Asistiu entusiasmado ó encontro o alumnado de 2°, 3° e 4° da ESO, que forman o noso club de lectura "Argallantes das Letras".

Intercambiamos impresións sobre a novela e fixémoslle moitas preguntas sobre o que supón ser escritora e todo o labor asociado. Quedamos marabillados cas súas verbas e as súas reflexións. Finalmente, puidemos achegarnos a ela de xeito máis individualizado para que nos asinara e adicara a súa obra.

Ánxela, foi un pracer a túa visita. Agardámoste de novo para próximas reunións. Moitas grazas!

8M

A nosa biblio vístese de violeta para conmemorar o Día Internacional da Muller 

Creamos unha exposición con diferentes "puntos violeta" para destacar a figura de mulleres en moitos ámbitos e para achegarnos á temática feminista de formas moi variadas.

💜 Punto Violeta de Libros - con propostas como "#Wetoo-Tu Lucha, Mi Lucha: Brújula para jóvenes felinistas" de Octavio Salazar, "Senlleiras" de @yanezantia ou "Todos deberíamos ser feministas" de Chimamanda Ngozi Adichie.

💜 Punto Violeta de Xogos - Nobel Run, La espiral del tiempo feminista ou Feminismos reunidos.

💜 Punto Violeta de Películas - onde recomendamos exemplos como "Flashback", "Sufragistas", "O Corno" ou "Figuras ocultas".

💜 Punto Violeta de Frases e Hashtags - cos tan recoñecidos #metoo #niunamenos ou #xuntassomosmáisfortes

💜 Punto Violeta de Historias e Novas na prensa - facéndonos eco da actualidade como a condea a Dani Alves ou a violación grupal a unha muller na India.

💜 Punto Violeta de Música- onde ademais de escoller a música máis representativa, decidimos facer unha lista de reprodución para que amenice as nosas visitas á biblio.

💜 Punto Violeta dos Medios - con recomendacións de series, documentais e videoxogos con mulleres empoderadas que nos podan servir de inspiración.

💜 Punto Violeta de Deporte - lembrando a figuras tan relevantes como Alexia Putellas, @apeleteirob ou Mireia Belmonte.

💜 Punto Violeta para Compartir máis recomendacións, historias e para agradecer a tódalas mulleres que día a día nos inspiran.

💜 Punto Violeta do dpto. De francés @frances_castruz onde podemos atopar brazaletes con frases feministas en francés para decorar.

💜 Alfombra Violeta imitando o Paseo das Estrelas onde buscamos facer protagonistas a mulleres importantes da historia que traballaron en prol do feminismo (Emma Watson, Simone de Beauvoir, Virginia Woolf ou Malala).


Animámosvos a visitarnos e a lembrar, honrar e desfrutar o labor de todas estas mulleres que abriron camiño para as que vimos detrás 💜

     

               

               

NOVIDADES

Novas adquisicións para a nosa biblioteca acabadas de chegar de Amsterdam. O noso alumnado de 4°ESO desfrutou duns marabillosos días percorrendo a cidade holandesa. Nunha das paradas, visitaron o Museo Van Gogh adicado ó artista.


 Vincent de Barbara Stok

 La viuda de los Van Gogh de Camilo Sánchez

Próximamente dispoñibles na biblioteca para o seu empréstito. Non os perdades!!

LEMBRANDO A ROSALÍA

Hoxe conmemoramos o Día de Rosalía de Castro . Non podemos esquecer o legado que nos deixa a súa voz para as nosas letras. Desde a Biblioteca do Castro da Uz fixemos unha escolma das súas principais obras para darlles visibilidade nesta data tan sinalada.

Arriba

todas, rapaciñas do lugar!,

que o sol

i a aurora xa vos vén a dispertar..

                                       

NADAL NA NOSA BIBLIO

Felices festas de parte de todo o equipo e o alumnado que forma a Biblioteca do IES Plurilingüe Castro da Uz.

Este ano, propuxemos xogar un "Amigo Invisible" de libros para fomentar a inquedanza e o espírito lector nestas datas de descanso e desconexión. Agardamos que a todos os agasallados lles gustara o seu libro e que nos conten todo á volta das vacacións.

Polo momento, desexámosvos moito descanso e felicidade. Que o 2024 veña cargado de cousas boas!!